Радужное детство

На базе Пешнигортской школы открылся трудовой лагерь «Радужное детство», который работает по трем направлениям. Дети здесь не только отдыхают, но и работают, ухаживают за питомником и занимаются озеленением села.    

Удж сайын умöль йылiсь он думайт.  Гожумöн организуйтöм челядьлöн занятость лоö быдкодь праводеяннеэз да нарушеннеэз дзимлялöм сьöртi бур профилактикаöн. Эттшöм удж отсалö чинтны подростковöй преступность.

Кудымкарскöй районын челядьлiсь занятость общественность организуйтö ордчöн специалисттэз. Бур контакт шогмис образовательнöй учрежденнеэз, полиция и трудоустройство коласын. Медборьяэс отсалöны трудоустроитны подростоккезöс.

Удж сайын öнi В-Иньваись, Самковоись, Ошибись, Белоевоись и Пешнигортiсь челядь. Пешнигортскöй школаын пондöтчис уджавны гожся лагерь «Радужное детство». Йитöмöсь татöн куим формированне. Направленнеэз эколого-трудовöй – вöр-валöн ёрттэз, учебно-опытнöй участок «Дзоридзок» и медучоттэзлöн «Радуга». Челядь татöн шоччисьöны, уджалöны и шедтöны деньга.

Трудоустроеннöй подростоккез уджалöны ордчöн лагерись челядькöт. Экологическöй отрядлö, кöда осьтöм Пешнигортын, кыкдас годся унажык, районын нiя öтнаныс, сiйöн дозирайтны питомник и гöгöрись вöр-ва лоö татiсь пиэз понда важнöйöн, отсасьöны öтамöдлö мыдзтöг и желаннеöн.

Учöт клённэз, сыспуэз и мöдiк дона быдмассэз сьöрын видзöтöны челядьлöн лэчыт синнэз. Юалöммезын уджалiссезöс консультируйтö опытнöй лесовод. Благоустройство сьöртi сэтшöм уджжез мунöны посадын быдлаын. Организованнöя нiя ветлöтöны  памятниккезлöн местаэзö.

Этна челядь, кыдз и уна мöдiк подростоккез кöсйöны и готовöсь уджавны. Кыдз торйöтчисö полицияись несовершеннолетньöйезкöт уджалiсь инспекторрез, эттшöм  организация панöвтö челядьсö умöльыссянь.

Гожумся занятость и трудоустройство корö округись работодаттелезсянь ыджыт вниманне. Кыдз торйöтчöны населеннелöн занятость сьöртi центрись специалисттэз, подростоккез коласын желающöйез уджавны уна, дзир возможносттез отсавны этаын эмöсь не пыр.