У аграриев горячая пора

Для сельхозпроизводителей началась горячая пора – уборка зерновых.

Жар кад локтіс сельскöй хозяйствоэзын уджаліссез понда. Техника петіс ыббез вылö, мед дзимлявны сюэз. «Россия» нима колхозын дзимлялан страда пондöтчис эшö июль медбöрья луннэзö, кöр вöлісö дзимлялöмöсь кöдзыссэз вылö туруннэз. А öні вын öктö сюэз дзимлялöм сьöрті кампания, кöда таво чулалö öддьöн бура.

Хозяствоись уджаліссез надейтчöны, мый дзимлялö таво чулалас аскадö, эд эта понда керöм быдöс.

Комбайнёр Николай Зубов уджалö эта хозяйствоын даскватьöт год, и ас удж сьöрна аддзывліс уна. Машина, кöда вылын сія неважынсянь уджалö, сылö öддьöн гленитчö. Белоруссияись локтöм комбайн, кöда шусьö «Полесье» ыб вылöт мунö паськыта, öтік жатка сьöрна вундö сизим метра мымда. Комбайнёр шуö, мый важ комбайннэзкöт сійö сравнитны сьöкыт и торйöтчö сійöн, мый тавося дзимлялöм чулалö буржыка, нежели мöймуся годö.

Тавося погоддя сетö бур условиеэз сы понда, мед сю дзимляссис аскадö. Урожай таво мöдö лоны бурöн, кыдз и мöдік годдэзö, сідзкö, агроном кыввез сьöрті, финансовöй ладорсянь дзимлялöм лоас кокнитжыкöн. Уборка пондöтчис неважын, но дзимлялöм ни площадьлöн кыкдас вит 25 процент гöгöр. Быд гектарсянь чöвтöны куимдас (30) центнер гöгöр.

Мед быд уджалісь тöдіс, кыдз сія уджалö да мымда дзимлялö сю, эта колхозын быд вит лун чулалöм бöрын лыддьöны, кинлöн кытшöм результат. Талуння лун вылö уджаліссезлöн показателлез зэв бурöсь.

Куим неделя сьöрна быдöс сюыс дзимляссяс складдэзö, сідзкö, локтан тöв оз тшöкты отирöс тшыгьявны.